「ANTELOPE」的名字與起源
釀好嘢嘅人 = ANTELOPE
ANTELOPE 日文譯名係「カモシカ（羚羊）」。呢個詞一字多義同時可以翻譯成「醸す（釀）」黎形容造酒、營造氣氛，ANTELOPE團隊希望成為一個「釀出好嘢」嘅團隊，即係「醸し家」。
基於呢個想法就用咗「カモシカ = ANTELOPE」做品牌名。
ANTELOPE想做嘅唔單止係蜂蜜酒本身，而係透過蜂蜜酒串連起嘅種種「緣份」。遇到新事物，人會好自然開心；如果一樣嘢好好飲、好靚，我哋會更加開心，仲會好想同人分享。
「ANTELOPE」的理念
如果一生可以飲到嘅酒數量係有限嘅，咁對於每一次珍貴嘅一杯，ANTELOPE團隊自覺都有責任。為咗令每一位覺得「飲到真係太好了」呢種體驗，ANTELOPE團隊會專注追求三件事：
01｜追求釀造科學
酒精背後往往伴隨住好多偶然與浪漫嘅故事，而呢啲故事好多時都好迷人。但如果要令日本嘅蜂蜜酒業界活躍起來，釀酒嘅人就必須擁有正確而紮實嘅科學理解。正正因為蜂蜜酒較少成為研究對象，ANTELOPE團隊更要集合廣泛嘅釀造知識，持續釀造出每一瓶出色嘅蜂蜜酒。
02｜追求原材料
好嘅刀要由好嘅鐵打磨出黎。除左知識層面嘅學習，酒嘅原材料都係好重嘅一環。「ANTELOPE」以緬甸產蜂蜜為主軸，有時亦會使用少量日本國產初夏蜂蜜、或者西班牙產橙花蜂蜜做點綴。蜂蜜以外，有時釀造會使用各種水果，ANTELOPE團隊都會親身去到生產者嗰度拜訪，揀選自己覺得真係出色嘅農產品嚟使用。另外，ANTELOPE團隊從 2023 年開始亦有挑戰自家養蜂，並計劃由 2026 年起陸續用上自家國產蜂蜜去釀造蜂蜜酒。
03｜建立高質素的連繫
為左可以同更加多嘅朋友連結，除咗只會喺天氣好嘅日子舉行嘅 Open House、每年嘅納涼祭、週年祭等活動之外，就算係受邀參加其他活動，ANTELOPE團隊都會全力同大家建立起更多嘅連結。
「ANTELOPE」蜂蜜酒的風格
蜜酒係用蜂蜜發酵釀成嘅酒，被稱為世界上最古老的酒之一，多年來一直深受人喜愛。單以蜂蜜、水同酵母釀成嘅，通常會被叫做「傳統蜜酒（Traditional Mead）」。喺呢種傳統蜂蜜酒基礎上，加入各式水果、香料、植物（Botanical）甚至穀物等副材料，ANTELOPE團隊創造出過往未曾出現過、口味非常多元化嘅蜂蜜酒。
查看Antelope的作品：按此查看
(所有圖片來源: Antelope)
